Për të mbështetur përshtatjen ndaj ndryshimeve klimatike në bujqësi, EU4Green është e përkushtuar të analizojë dhe përmirësojë qasjet strategjike, të cilat do të shqyrtohen me ndihmën e Grupit të Përhershëm të Punës për Zhvillimin Rural Rajonal (SWG) në Evropën Juglindore. Për më tepër, EU4Green do të fokusohet në masat parandaluese për përdorimin e qëndrueshëm të ujit në bujqësi duke inkurajuar fermerët të adoptojnë praktika që rrisin efikasitetin e ujit dhe duke eksploruar opsionet për ruajtjen e tij. Me këtë EU4Green po ndihmon sistemet bujqësore të bëhen më elastike ndaj ndryshimeve klimatike.

Projekti EU4Green thekson gjithashtu rëndësinë e Treguesve Agro-Mjedisor (AEI) për sisteme të fuqishme monitorimi. AEI-të përdoren për të matur ndikimin mjedisor të praktikave bujqësore, duke ofruar të dhëna të vlefshme për të informuar politikat dhe vendimmarrjen duke treguar progresin dhe zhvillimet. Kjo përputhet me qëllimet e projektit për të promovuar bujqësinë organike dhe miqësore ndaj mjedisit. Duke nxitur këto ndryshime, EU4Green mbështet tranzicionin drejt një të ardhmeje më të qëndrueshme dhe më të gjelbër për Ballkanin Perëndimor.