EU4Green mbështet këto iniciativa të vazhdueshme në fusha të zgjedhura. Në Shqipëri fokusi është në nivel lokal, ku stafi i bashkisë do të njihet me masat praktike të ekonomisë rrethore. Në Bosnje dhe Hercegovinë dhe në Kosovë* sektori i biznesit do të angazhohet përmes promovimit të ekonomisë rrethore dhe modeleve të reja të biznesit, përkatësisht. Parandalimi i mbeturinave është në krye të agjendës për aktivitetet e EU4Green në dy ekonomi: Maqedonia e Veriut do të zhvillojë një plan për parandalimin e mbetjeve për institucionet publike dhe Serbia po punon për një plan kombëtar për parandalimin e mbetjeve. Në Mal të Zi, EU4Green do të mbështesë zhvillimin e një plani veprimi të ekonomisë rrethore, i cili duhet t’i japë jetë udhërrëfyesit ekzistues.

Për më tepër, projekti EU4Green vlerëson transferueshmërinë e këtyre nismave lokale në të gjithë ekonomitë e Ballkanit Perëndimor, duke nxitur kështu shkëmbimin e praktikave më të mira që synojnë krijimin e një ekonomie rrethore të qëndrueshme.