EU4Green ги поддржува овие тековни иницијативи во одредени области. Во Албанија, фокусот е на локално ниво, каде што општинскиот персонал ќе се запознае со практичните мерки за циркуларна економија. Во Босна и Херцеговина и во Косово*, бизнис секторот ќе биде соодветно ангажиран преку промоција на циркуларна економија и нови деловни модели. Превенција на отпадот е на врвот на агендата за активностите на EU4Green во две економии: Северна Македонија ќе развива план за превенција од отпад за јавните институции, а Србија работи на национален план за превенција од отпад. Во Црна Гора, EU4Green ќе го поддржи развојот на акционен план за циркуларна економија, кој треба да ја оживее постоечката карта на патот.

Понатаму, проектот EU4Green ја проценува преносливоста на овие локални иницијативи низ економиите на Западен Балкан, а со тоа поттикнува размена на најдобри практики насочени кон создавање одржлива циркуларна економија.