Trajtimi i duhur i ujërave të ndotura urbane është thelbësor për përmirësimin e shëndetit publik dhe mirëqenies mjedisore. Duke trajtuar në mënyrë efektive ujërat e ndotura, zvogëlohet përhapja e sëmundjeve që vijnë nga uji, duke mbrojtur burimet ujore dhe duke minimizuar rreziqet shëndetësore. Gjithashtu parandalon ndotjen e burimeve të ujit të pijshëm si dhe mbron ekosistemet ujore nga ndotësit e dëmshëm. Zbatimi i sistemeve solide të trajtimit të ujërave të ndotura është vendimtar për nxitjen e mirëqenies së komunitetit dhe arritjen e zhvillimit të qëndrueshëm.

Në rajonin e Ballkanit Perëndimor, i cili përballet me sfida të rëndësishme për mbrojtjen e mjedisit ujor nga efektet negative të shkarkimeve të ujërave të ndotura urbane dhe nga shkarkimet industriale, Direktiva e Bashkimit Evropian për Trajtimin e Ujërave të Ndotura Urbane (DTUNU) luan një rol jetik. Kjo direktivë ofron kuadrin ligjor për heqjen e ndotësve nga ujërat e ndotura urbane, duke i sjell përfitime popullsisë dhe mjedisit. E vlerësuar si një nga prioritetet brenda Agjendës së Gjelbër Evropiane, DTUNU kontribuon në njohuritë dhe qëllimet e përbashkëta të Marrëveshjes së Gjelbër Evropiane.

Për të mbështetur zbatimin e DTUNU, projekti EU4Green bën bashkë aktorët e rajonit të Ballkanit Perëndimor dhe ekspertët nga Agjencia Austriake e Mjedisit. Gjatë muajve qershor – korrik, statusi i zbatimit të DTUNU në rajon u diskutua në seminaret e mbajtura në çdo ekonomi të Ballkanit Perëndimor. Duke i dhënë zë sfidave e përbashkëta dhe duke shkëmbyer praktikat më të mira, EU4Green synon të orientojë autoritetet e Ballkanit Perëndimor drejt miratimit dhe zbatimin e plotë të DTUNU, duke parandaluar kështu ndotjen e ujit, duke mbrojtur shëndetin e njerëzve dhe duke përmirësuar mjedisin.