EU4Green ka kënaqësinë të shpallë Çmimin për Gazetari të Gjelbër, duke njohur kontributet e jashtëzakonshme gazetareske për temat që lidhen me tranzicionin e gjelbër, Agjendën e Gjelbër për Ballkanin Perëndimor (AGBP), dhe çështjet urgjente mjedisore në rajon.

Ky Çmim synon të rrisë ndërgjegjësimin e publikut, të inkurajojë ekselencën gazetareske dhe të nxisë diskutimin rreth sfidave dhe mundësive mjedisore në gjashtë ekonomitë e Ballkanit Perëndimor.

EU4Green është një projekt rajonal (2022–2025) i zbatuar nga Agjencia Austriake e Mjedisit (Environment Agency Austria). Ai financohet nga Bashkimi Evropian së bashku me Agjencinë Austriake për Zhvillim (ADA). Projekti mbështet gjashtë ekonomitë e Ballkanit Perëndimor: Shqipërinë, Bosnjën dhe Hercegovinën, Kosovën*, Malin e Zi, Maqedoninë e Veriut dhe Serbinë, në avancimin e Agjendës së Gjelbër duke forcuar qeverisjen, duke harmonizuar politikat me standardet e BE-së dhe duke përmirësuar bashkëpunimin rajonal për një të ardhme më të qëndrueshme dhe reziliente ndaj klimës.

TEMAT E MBULUARA

Punimet gazetareske të dorëzuara duhet të fokusohen në një ose më shumë nga temat e mëposhtme, të lidhura me Agjendën e Gjelbër për Ballkanin Perëndimor dhe ndikimin e saj te qytetarët:

• Ajri, uji dhe toka e pastër – trajtimi i ndotjes dhe mbrojtja e shëndetit publik.
• Biodiversiteti dhe natyra – ruajtja e ekosistemeve dhe specieve.
• Bujqësia dhe ushqimi i qëndrueshëm – promovimi i bujqësisë reziliente ndaj klimës.
• Ekonomia e Gjelbër – nga riciklimi dhe zgjidhjet qarkulluese te financat dhe investimet e gjelbra.
• Veprimi Klimatik – zbutja, përshtatja dhe rezilienca e komunitetit.
• Perspektivat ndërsektoriale dhe ndërdisiplinore (p.sh., barazia gjinore, përfshirja, barazia sociale) inkurajohen fuqishëm.

 KRITERIUMET E PËRZGJEDHJES

Një juri do të vlerësojë të gjitha punimet e dorëzuara sipas kritereve të mëposhtme:

1. Rëndësia e temës dhe lidhja e saj me ndikimin e procesit të zbatimit të Agjendës së Gjelbër për Ballkanin Perëndimor (AGBP), duke përfshirë transformimin ligjor, shoqëror dhe ekonomik për qytetarët e Ballkanit Perëndimor (BP) dhe/ose një prej gjashtë ekonomive të tij, idealisht me shembuj konkretë.
2. Saktësia dhe thellësia (përdorimi i fakteve, burimeve, qasja analitike).
3. Cilësia e narrativës, origjinaliteti dhe stili gazetaresk (i shkruar ose audiovizual). Qartësia, angazhimi, struktura dhe kreativiteti në prezantimin e temës.
4. Ndikimi dhe kontributi në kuptimin publik. Shkalla në të cilën punimi informon, edukon ose frymëzon ndërgjegjësimin publik dhe dialogun për çështjet e tranzicionit të gjelbër — mundësisht në lidhje me procesin e anëtarësimit në BE dhe efektet e mundshme të anëtarësimit në BE për qytetarët dhe/ose shtetin.
5. Respektimi i etikës dhe standardeve gazetareske.

Çdo kriter vlerësohet 0–10 (maks. 50 pikë). Autorët e punimeve të përzgjedhura do të kontaktohen drejtpërdrejt me email.

 KUSHTET

• Punimet duhet të jenë në një nga gjuhët zyrtare të gjashtë ekonomive të BP dhe/ose anglisht.
• Punimet në një nga gjuhët lokale duhet të shoqërohen me një përkthim në anglisht (në rastin e punimeve audiovizuale, duhet të sigurohet ose titrimi ose një transkript i përkthyer në anglisht).
• Përmbajtja fyese, gjuha e urrejtjes ose gjuha diskriminuese do të rezultojë në diskualifikim.
• EU4Green rezervon të drejtën për të publikuar ose transmetuar punimet e përzgjedhura për qëllime jo-komerciale, duke i kredituar gjithmonë autorin dhe median.

 SI TË APLIKONI

Për të aplikuar, punimet duhet të dërgohen me email në contact@eu4green.eu me subjekt: “For the Green Journalism Award.”

Aplikimi duhet të përfshijë:

• Emrin e plotë të autorit
• Emrin e medias
• Datën e publikimit
• Informacionin e kontaktit (email dhe telefon)
• Një lidhje direkte me artikullin/audio/video të publikuar ose një kopje të skanuar (për print)

Nëse punimi nuk është në dispozicion online (p.sh., radio ose TV), dorëzojeni atë përmes një lidhjeje (Google Drive, WeTransfer, Swiss Transfer, etj.) së bashku me një letër të shkurtër konfirmimi nga redaktori që vërteton se punimi është publikuar.

Punimet e dorëzuara duhet të trajtojnë veprimet/aktivitetet e Tranzicionit të Gjelbër të Ballkanit Perëndimor (ose një prej gjashtë ekonomive të tij), hapat ose përpjekjet e ndërmarra për të respektuar Agjendën e Gjelbër për Ballkanin Perëndimor (AGBP) ose përpjekjet për të trajtuar çështjet lokale/rajonale mjedisore të adresuara në AGBP, duke theksuar idealisht se si këto përpjekje ndikojnë në jetën e qytetarëve.

 PERIUDHA E APLIKIMIT

29 shtator – 9 tetor 2025.

 ÇMIMI

Autori i punimit gazetaresk më të mirë të renditur do të marrë një kurs trajnimi “Certifikatë Profesionale në Gazetari Mjedisore”, të ofruar nga London School of International Business (LSIB) – shih Professional Certificate in Environmental Journalism – dhe i kompletuar plotësisht online.

Kursi mund të zgjasë një muaj (mënyra Fast-track) ose dy muaj (mënyra Standard), në varësi të zgjedhjes së fituesit, por duhet të përfundohet deri më 31 dhjetor 2025. Pas përfundimit të suksesshëm të kursit, fituesi do të marrë një Certifikatë Profesionale në Gazetari Mjedisore. Këto kosto, të lidhura drejtpërdrejt me kursin, mbulohen nga EU4Green.

Në rast të forcës madhore kur fituesi nuk mund ta përfundojë kursin brenda afatit të zgjedhur, duhet të sigurohet një shpjegim me shkrim për EU4Green/EAA, duke përfshirë dokumentacionin mbi nivelin e përmbushjes së kursit. Në raste të tilla, Projekti do të mbulojë vetëm kursin, por jo koston e Certifikatës.

Përveç kursit, fituesi do të marrë njohje me shikueshmëri të lartë, duke përfshirë:

• Shpallje zyrtare si fitues i “Çmimit për Gazetari të Gjelbër” në kanalet e EU4Green (ueb-faqe, buletin, media sociale).
• Një certifikatë dixhitale dhe në letër për përdorim profesional.
• Një intervistë/profil i veçuar në platformat e EU4Green, i shpërndarë me partnerët dhe mediat rajonale.

Duke dorëzuar punimet për Çmimin Gazetar elektronikisht, ju konsideroheni se keni rënë dakord dhe keni pranuar Termat dhe Kushtet dhe Rregullat e Konkurrencës dhe konfirmoni se keni marrë njoftimin për informacionet e mbrojtjes së të dhënave.

Lidhjet PDF:

• Termat dhe Kushtet
• Rregullat e Konkurrencës

Për informacione shtesë, kontaktoni projektin EU4Green me email: contact@eu4green.eu.

*Përcaktimi i Kosovës bëhet pa paragjykuar pozicionet mbi statusin dhe është në përputhje me Rezolutën 1244/1999 të Këshillit të Sigurimit të OKB-së dhe Opinionin e GJND-së mbi shpalljen e pavarësisë së Kosovës.