EU4Green ka publikuar një raport të ri teknik që përmban rezultatet e para të konsoliduara për Indikatorët e Përzgjedhur Agromjedisorë (AEI) në të gjithë Ballkanin Perëndimor. Këta indikatorë janë kyç për monitorimin e qëndrueshmërisë së bujqësisë, mbështetjen e reformave për anëtarësim në BE dhe sigurimin e progresit në zbatimin e Agjendës së Gjelbër për Ballkanin Perëndimor.

Raporti është fokusuar në tre indikatorë prioritarë, të përzgjedhur bashkërisht me koordinatorët tematikë nga rajoni:

• Bilanci Bruto i Lëndëve Ushqyese (BNB) (Gross Nutrient Balance, GNB)
• Toka Bujqësore me Vlerë të Lartë Natyrore (HNVF) (High Nature Value Farmland)
• Rreziku i erozionit të tokës i vlerësuar përmes përqindjes së kulturave të prirura ndaj erozionit

Dokumenti identifikon gjithashtu AEI shtesë që janë relevante për punën analitike të ardhshme, veçanërisht ato të lidhura me menaxhimin e plehut organik, efikasitetin e ujitjes, emetimet e amoniakut dhe trajnimin e fermerëve. Zgjerimi i fushës së indikatorëve do të ndihmojë në forcimin e marrjes së vendimeve të bazuara në prova, ndërsa ekonomitë e ZB6 harmonizohen me Politikën e Përbashkët Bujqësore (CAP) dhe masat IPARD.

Ky publikim është një hap i rëndësishëm drejt vendosjes së sistemeve të harmonizuara të monitorimit dhe përmirësimit të disponueshmërisë së të dhënave të besueshme mjedisore në rajon.

Raporti i plotë është në dispozicion për shkarkim në Bibliotekën EU4Green.