Скопје, 17 септември – Повеќе од 20 претставници на медиуми и невладини организации се собраа во Скопје на отворена дискусија за зелената транзиција и климатските промени. Настанот беше организиран од проектот EU4Green и одржан во партнерство со Climate Action Network (CAN) Европа и беше повод учесниците да споделат знаења, да разменат идеи и да ги истакнат достигнувањата и препреките во транзицијата на регионот кон позелена иднина. На настанот беше најавена и претстојната обука на CAN Europe за новинари со фокус на енергетските и климатските прашања во Западен Балкан.

Настанот се карактеризираше со динамична размена на идеи, нудејќи им на учесниците можност да поставуваат прашања, да споделат информации и да се вклучат во плодни дискусии со клучните говорници. Активно учествуваа новинарите, претставниците на невладини организации и владини претставници, нагласувајќи ја важноста од решавање на различните предизвици на зелената транзиција. Овој конструктивен дијалог ја нагласи тековната потреба за соработка помеѓу медиумите, граѓанското општество, владините ентитети и институциите на ЕУ со цел ефикасно справување со еколошките предизвици.

Од овие разговори се заклучи дека соработката и јасната комуникација се клучни за унапредување на зелената транзиција и борбата против климатските промени и колективната акција може да придонесе кон надминување на пречките и поттикнување на значаен напредок кон одржливоста на Западен Балкан.

Поддршка на ЕУ за зелени иницијативи

Штефан Худолин, Раководител за соработка во Делегацијата на ЕУ во Северна Македонија го отвори настанот разговарајќи за поддршката на ЕУ за зелените иницијативи во регионот. Тој зборуваше за значењето на Европскиот зелен договор и за тоа како неговите принципи се спроведуваат во Северна Македонија со цел поодржлива иднина. Худолин ја нагласи континуираната посветеност на ЕУ да му помогне на Западен Балкан да усвои еколошки политики и практики.

Зелен напредок на РС Македонија

Каја Шукова, раководител на Секторот за одржлив развој и инвестиции од Министерството за животна средина, ги истакна напорите на Северна Македонија за унапредување на зелената транзиција. Таа ги детализираше чекорите што земјата ги презема за усогласување со политиките за одржлив развој и справување со горливи еколошки прашања. Шукова ја истакна неопходноста од соработка меѓу владите, невладините организации, јавноста и медиумите за да се поттикнат промени на политиките и да се зголеми јавната свест за успешна транзиција кон позелена економија.

Визијата и целите на EU4Green

Елена Гаврилова, претставник на проектот EU4Green, даде преглед на целите на проектот и неговата витална улога во зелената агенда на регионот. Таа објасни како EU4Green активно промовира одржливи практики и го поддржува Западен Балкан во исполнувањето на еколошките цели. Гаврилова дополнително нагласи дека иницијативите на проектот се усогласени со Европскиот зелен договор, со цел значително да се влијае кој спроведувањето на Зелената агенда во регионот.

Ефективна климатска комуникација

Елеонора Алена, координаторка за комуникации за Западен Балкан во CAN Europe, ги сподели своите сознанија за тоа како новинарите и медиумите играат клучна улога во ефективно комуницирање на теми поврзани со климата и енергијата и во подигање на свеста за праведна енергетска транзиција како единствениот пат кон напредок. Елеонора, исто така, понуди практични совети за раскажувањемедиумски приказни, нагласувајќи ја важноста од создавање јасни и релевантни пораки кои можат да резонираат во јавноста. Алена, исто така, ја истакна моќта на користењето податоци и реални приказни за климатските промени да станат важна и приемчива тема за разновидна публика.

Улогата на граѓанското општество

Бојана Станојевска Пецуровска, претседател на Центарот за климатски промени и претставник на НВОја истакна клучната улога што граѓанското општество ја има во промовирањето на зелената агенда. Таа посочи дека невладините организации служат како мост меѓу креаторите на политиките и јавноста, подигајќи ја свеста и застапувајќи за робусна акција за животната средина. Станојевска Пецуровска, исто така, ја нагласи важноста на медиумите во засилување на овие пораки, охрабрувајќи ги новинарите да продолжат ефикасно да покриваат прашања за животната средина.

Зајакнување на регионалната соработка

Партнерството со CAN Europe додаде значителна димензија на настанот, илустрирајќи како прекуграничната соработка е клучна за засилување на влијанието на зелените иницијативи. Настанот служеше како моќен потсетник дека заедничките напори се од суштинско значење за да се постигне одржлива иднина за регионот.

Следни чекори

Преку овие витални разговори, проектот EU4Green продолжува да работи на  својата мисија за подобрување на соработката и свеста за Зелената агенда, преземајќи клучни чекори кон поодржлив Западен Балкан.

За EU4Green

EU4Green е значајна иницијатива на Европската Унија која ги поддржува економиите од Западен Балкан потписнички на Зелената агенда во нивната зелена транзиција. Започнат во 2022 година со времетраење до 2025 година, проектот ги опфаќа сите економии од Западен Балкан. Од фондовите на ЕУ за различни активности се издвоени вкупно 10 милиони евра, а дополнителни 1 милион евра се обезбедени од страна на Австриската агенција за развој. Проектот го спроведува Агенцијата за животна средина на Австрија во тесна соработка со локалните институции.